Eagle_wings

صفحة عامة تختص بجميع وجهات النظر

صورتي
الاسم:
الموقع: الكويت, الكويت, Kuwait

أنا من الكويت و الكويت مني

الجمعة، نوفمبر 14، 2008



فارس أحلام

صحيت من غفوة .. مدري هي حلم
ولا عايش في الغرام .. نشوة ..
طاير على ركابي ..
وساير .. انفض من تحتي ترابي
أدور عن غفوتي في الحلم
لقيت في .. هفوتي .. عرابي
وجه البدر ..
عيون الصقر ..
رمش و كحل ..
خد القمر ..
كله وصفته ..بسطور كتابي ..
شفت وش سوت فيني الغفوة ؟؟
في نظرته ..غزال و سيفه بغمده
في رمشته ..
في كحلته ..
يا علي ... طعني .. بحكمته


تعلقت روحي .. تبيه
كل اللي بالحشى .. يناديه

دخيل الجديلة ...
وسهر الليالي الطويله

انا مشتريه
بس لو يدري .. انا مشتريه
صحيت من غفوة ..
و عيوني نامت
متعلقة فيه ..

له انا كنت ..فارس احلام
وخيلي يركض بي ..
يلاحق الخطوة .. قبل الزحام
خيلي فاتته الخطوة ..
آآآآه .. ياقلب والله حرام
والله حرام ...

الجمعة، نوفمبر 07، 2008

لاتـــــــروح

صوت الرعد؟؟ --- هذا خفوقي المجروح.....
رحلة البرق .. في داخلي..
وصوتي من الحزن.. مبحوح
رعد وبرق عاصفة جرحي ..و السنين تروح..
شفت الدمع الي منها تحفرت خدودي ...
كلها من سبايب حبي المفضوح........


تلونتي الوان ..... مرة صديقة ؟؟!! و مرة حبيبة ؟؟!!
ومرة مثل السراب ...أحزان....!!
قريبة انتي ولا بعيده ؟؟ ايامج تعزف الحان ...
تبقين حبيه انتي ... احبج .. يا شوق انا ولهان

فضحني الليل ......و سرقني التفكير بسحر عيونك
ودي اغطي أشواقي بحمرة .. خدودك
ابي امشي على خط الكحل .. الين اسكن جفونك
لعلي القى راحتي ...
الي قطيت راسي على كفوفك ...

اهيم بذاك الحنان ....
اكتسب دفا ..
و اطفي لوعة الحرمان ..



يازين سوالف ...صارت اغناية تغنيناها ..

بس انا و انت .. والطير اللي بقفصنا ..عرفناها ..


بذيك الايام .. انا سهران
وينك انا ولهان ..... ؟؟
..... بس لعيونك انا ولهان...!!




فديت الرمش والكحل الاسود ...

وهذا الشعر الطويل .. مثل الفحم أسود

تخلي نشوتي بالغرام .. فوق تصعد .. وتصعد ..


يا عمري ابي ادني من احضانك ...
اسف اذا كنت في يوم .. سبايب آلامك ..
هذه وردة ... اقطفها من حنيني ..
كفاية ضاعت سنينك و سنيني ..
بطلب من الله ...
كلها سعادة باجي ايامك


بغيابك انا مجروح..

شفت الدمع اللي فضحني ؟؟؟

لاتروح دخيلك لا تروح.......
تأليف ( Eagle_wings ) نبض المسافر يونيو 2005

الخميس، نوفمبر 06، 2008


الحب الأول


ابي بس لحظة يردني الوقت

هذه حياتي كلها -- على كف لحظة !!

ذيك السنين اللي ما ذكرتني

هذا الحنين و أشواقة اللي ضيعتني

لو يردني الوقت !! عيونك لو اناظرها -- بس لحظه

قصة بدت -- قصة بدت ومع جراحي رحلت
مشت -- خطوة خطوة خطوة

والنهاية !! على الفرقى انتهت
وذيك المحطه -- اللي شفاتـك يوم ردتي ..تبسمت
صارت نقطة منها حياتي انتهت ...انتهت
سكة عمر ---
وسنين الشقى على الملامح ترسمت ..

وقطاري اللي انتظرته --- فاتني
-- والشعر الابيض على الراس خانني

اه بس لو يرد الوقت ---
لا اخلي عيونك حياتي و دنيتي

فات القطار --
و عيوني تفجر دمعها ضيم وشرار
كان فراقنا آخر قرار ..

مكتوب اعيش بدنيتي غريب وحيد
كل يوم ادور عل الأمل --حب جديد
فدى لمسه ايدينك--
انا سبايب فرقتي سكة حديد
لو يردني الوقت --- بس لحظه
وش ينفع بعد طول هالعمر ... هذا الندم
هذه الذكرى تسقيني بكاس الدقايق و الثواني -- الم
وش ينفع يا حبيبي اعيش باحلامي .. وهم ...

كل الي اقدر اسويه ..
انتزع من قلبي الحروف --- واحفر اشواقي بالدفتر..و القلم
لو يردني الوقت .... بس لحظه
( تاليف Eagle _wings ) ..... نبض المسافر........ 7 نوفمبر 2008






مــــــــــــــــــــبروك بوحسيــــــــــــــــــن



باراك أوباما
(مبارك حسين أوباما )


أنت فاهمني غلط ___ هذه قصتك ما تمشي علي
شمعنى انت؟ __ليش انت؟ __
قالتها: انا بالنسبه لك ...مجرد صديقة
لا تباكى علي __
هذه حدودك و انت افكارك مريضه
شمعنى انت ؟؟
ليش انت ؟؟
جاوبتني و في قلبي الضيقة ..
أحس الكون يتباكى علي ...
في ملامح نظرتي حلم.. وفي مشاعرها ماوزنت الكفه..

.. لاجئ عاطفي ادور بين الاسى لو حلم
-- الزم حدودك يا بو افكار مريضه --انا مجرد صديقه .. انا مجرد صديقة

سودت الدنيا في عيني .. حلمت وكانها غفت عيني
انا مجرد صديق -- لو تمنيت اني اكون حبيب ابقى مجرد صديق



نورة


شفت القمر و شلون نورة؟ --- الى قمت اناظرها يرتاح بالي

مالي مع الحظ صورة------- كل ماطقيت وتد تموت آمالي

لاتخلين دمعتي على الخد مقهورة -- تروي عطشها من ضيم آلامي

مع غيم الفكر وأمواج بحوره --- تلاطم شوقي على اسياف رباني

اتمنى انج على برواز صو رتي صورة --- انظرها لعلها تخفف احزاني

باحفظج بالقلب باسم نورة -- و لو سواد الدنيا في عيني كلها جدامي

Free Hit Counters
Web Counters